Бид бэлэн болсон бүтээгдэхүүнийг хэрэглэгчийн гарт түргэн шуурхай хүргэхийн тулд өөрсдийн боловсруулсан цогц зохион байгуулалтын ситемийг даган мөрддөг. Ингэснээрээ бид орчин үеийн завгүй амьдралын хэмнэлтэй үйлчлүүлэгчиддээ цаг алдалгүй түргэн шуурхай үйлчилж сэтгэл хангалуун байлгахыг хичээн ажиллаж байна.

Монголын ард түмний дунд битүү хоол буюу илчлэг чанараараа бие махбодийг сэргээн ядаргаа тайлж чаддаг чухал ач холбогдолтой монгол үндэсний хоолны гол нэгэн төрөл бол “Бууз” яах аргагүй мөн билээ. Бид үндэснийхээ дээдлэж ирсэн зоогийг хамгийн амт чанартай, эрүүл байдлаар үйлчлүүлэгчидэд хүргэхийн тулд говь нутгийн хонины мах, үхрийн махны зөвхөн гуя хэсэг, алтан тариан дээд гурил болон зөвхөн монголын тал нутгийн хөрс шороонд ургуулсан сонгино зэргээр хийсэн бүтээгдэхүүнээр үйлчилж байна. Мөн давснаас өөр амтлагч огт хэргэлдэггүй бөгөөд дан гар аргаар татаж, чимхсэн буузыг өглөө бүр шинээр хийн хэрэглэгчидэд хүргэж чаддагаараа бахархдаг.

Бид брэндийнхээ дотоод гадаад орчин тохижилтын стандартыг бүрдүүлэх зорилгоор Монголдоо тэргүүлэгч интьерер дизайны компаниудын дунд нээлттэй тендер зарласны үндсэн дээр орчин үеийн болон үндэсний хэв шинжийг хослуулсан шинэлэг, онцгой дүр төрхийг бүрдүүлж чадсан. Ингэснээр Монголын зах зээл дээр үйл ажиллагаа явуулж буй ихэнх “бууз”-ны төрлөөр дагнасан үйлчилгээний газруудын интерьер тохижилтод ач холбогдол хэр барагтай өгдөггүй хэвшмэл хандлагыг өөрчлөхийг зорьсон билээ.